စက်မှုဝန်ကြီးဌာန၊ စက်မှုပူးပေါင်းဆောင်ရွက်ရေးဦးစီးဌာန ကြီးကြပ်မှုအောက်ရှိ စွမ်းအင် ခြိုးခြံချွေတာရေးဌာနသည် ရုံးအဆောက်အဦများတွင် စွမ်းအင်အကျိုးရှိထိရောက်စွာ သုံးစွဲ နိုင်ရေးရည်ရွယ်၍ နေပြည်တော်ရှိ ပြည်ထောင်စုဝန်ကြီးဌာနရုံးများတွင် စွမ်းအင်စီမံခန့်ခွဲမှု အခြေခံသင်တန်းများကို သွားရောက်ပို့ချလျက်ရှိရာ မတ်လ (၈) ရက်နေ့မှ မတ်လ (၁၀) ရက် နေ့အထိ နယ်စပ်ရေးရာဝန်ကြီးဌာနတွင် စွမ်းအင်စီမံခန့်ခွဲမှုအခြေခံသင်တန်းကို ဖွင့်လှစ်ပို့ချ ခဲ့ပါသည်။ သင်တန်းဖွင့်ပွဲတွင် စက်မှုဝန်ကြီးဌာန၊ စက်မှုပူးပေါင်းဆောင်ရွက်ရေးဦးစီးဌာန၊ ဒုတိယညွှန်ကြားရေးမှူးချုပ် ဒေါ်တင်တင်ထူးနှင့် နယ်စပ်ရေးရာဝန်ကြီးဌာန၊ ဒုတိယ အမြဲတမ်းအတွင်းဝန် ဦးအောင်ဆန်းဦးတို့မှ အဖွင့်အမှာစကားများ အသီးသီးပြောကြားခဲ့ကြ ပြီး စွမ်းအင်ခြိုးခြံချွေတာရေးဌာန၊ ညွှန်ကြားရေးမှူး ဒေါ်နိုင်နိုင်လင်းမှ သင်တန်းပို့ချ၍ နယ်စပ်ရေးရာဝန်ကြီးဌာနမှ တက်ရောက်သူ သင်တန်းသားဦးရေ (၂၃) ဦး ရှိကြောင်း သတင်း ရရှိပါသည်။